Skrýtin stefna hjá ríkisstjórninni

• Hún segir Sjálfstæðisflokkinn vera að tefja fyrir nauðsynlegum málum á þinginu með því að vilja ræða meingallað stjórnarskrár frumvarp. Mitt svar: ef ykkur er svona umhugsað um þjóðina afhverju setjið þið þá ekki þetta frumvarp til hliðar og talið um hin málin.

 

• Hún vill setja á hátekjuskatt og hugsanlega eignaskatt Steingrímur sagði meira  að segja áðan á Rúv að sá hátekjuskattur sem var afnuminn árið 2006 hafi verið mjög rausnarlega gert fyrir þá með háar tekjur. Steingrímur hátekjumarkið var 4.190.000 kr á ári sem gerir  tæplega 350.000 á  mánuði.                                                                                                  Núna segja þau að markið eigi að vera við 500.000 kr.  Þetta er ekki hátekjuskattur þetta er millitekjuskattur og líklegast munu þau lækka hátekjumarkið vegna þess að skatturinn skilar ekki nógu miklu inn í kassann.  Síðan er málið með Eignaskattinn það er líklegast ósanngjarnasti skattur allra tíma að vera taka meiri skatt af eign sem þú ert búinn að margborga skatt af.  Síðan er það málið að með meiri skattheimtu þá eru ansi sterkar líkur á því að það skili minni tekjum inn í ríkiskassann vegna þess að það minnkar einkaneyslu og þar vitna ég í orð Arthur Laffer.

 

• Það er líka skondið að í stað þess að koma með lausnir þá eru þau of önnum kafin að skjóta á Sjálfstæðisflokkinn.  Þau verða að átta sig á því að til þess að koma einhverju í lag hér þá verður að koma einkaneyslunni í gang og setja peninga í fyrirtækin.